Maduong pinahimutikan ni Bicol Saro Party-list Rep. Terry Ridon an akusasyon ni Batangas Rep. Leandro Leviste katakod kan alegasyong P150-milyong budget insertions.
Sigun ki Ridon, nagpapakuriyat nin fake news si Leviste. Importante soboot an clarification kan fake news magin an pag hambog ni Congressman Leandro Leviste.
An pigsasabi kaya soboot kaini an paiba-ibang statement. Idinagdag kaini na pigsabi nin Leviste na pigtutukoy kainj an Bicol Saro asin bako saiya, katakod sa P150-million insertions.
Alagad pigtutukoy ni Ridon an duwang recorded interviews ni Leviste kan nakalihis na Dec. 22 kun saen sinaysay kaining naggigibo ini nin insertions sa P6.326-trilyong national budget para sa 2025.
Sigun pa ki Ridon, dae ini parte kan 19th Congress asin man nagbalik sana kan nakalihis na June 30, 2025, kaya imposible na ini an naggibo kan insertions.
Huli man digde, sinaysay ni Ridon na dapat manimbag si Leviste sa pagkukuriyat nin salang impormasyon. Pigduon man kaini na iluwas na muna ni Leviste an listahan kan alleged insertions ni Cabral antes na maggibo nin bagong pahayag.
