Makalihis an 17-taon na pagtatago sa England, nagbweltada sa Bangladesh si Tarique Rahman, an nangengenot na kandidato tanganing magin sunod na prime minister kan nasyon, antes an eleksiyon sa masunod na taon.
Si Rahman, 60-ayos, aki kan dating prime minister na si Khaleda Zia asin lider kan Bangladesh Nationalist Party (BNP), na ngunyan an igwang obhetong makabweltada sa kapangyarigan sa maabot na eleksiyon.
Puon kan nakalihis na taong-2008, nag-istar si Rahman sa London asin piglalaoman ining magigin bagong lider kan Bangladesh kun manggana an BNP.
An pagbebweltada ni Rahman an naganap kasunod kan pagbagsak kan rehimen ni dating prime minister Sheikh Hasina kan nakalihis na 2024.
Si Rahman an pig-iimbestigaran kaidto sa mga kasong kriminal mantang nasa kapangyarihan si Hasina asin an saiyang Awami League party, alagad pinalibre ini gikan sa gabos kan mga akusasyon kan matapos an rehimen ni Hasina.
Marurumduman si Hasina an presenteng nagtatago sa India, kun saen nahahampang sa patung-patong na kaso siring kan dealth penalty asin an saiyang partido an dae man tutugotang magpartisipar sa maabot na eleksiyon sa nasyon.
