NAGA CITY- Planong padakulaon sa masunod na taon an opisina kan Comelec-Buhi.
Sa entrevista kan Bombo Radyo Naga ki Perfecto Llanza Jr. Election Officer IV kan Comelec-Buhi, sinaysay kaini na dae na inabot kan pondo ngunyan na taon an pagpapadakula kan nasambitan ng opisina kun kaya piglalaoman na sa maabot na 2026 ini mapupuonan.
Sigun pa ki Llanza, igwa nang mga cracks sa salog asin igwang mga outlet na dae na salbadong gamiton kaya nangangaipuhan na nin pagpapakarhay.
Katakod digde, nagpromesa man an alkalde kan nasambitan ng banwaan na tatagamahan ini nin pondo sa sunod na taon orog na ta mas orog na magigin sibot an opisina huli sa ikukundusir na eleksyon.
Dugang pa ni Llanza, posibleng kukuonon na ninda an opisina kan local civil registrar huli ta mabalyo naman ini.
Pigsaysay pa kan opisyal na igwang 8 empleyado an Comelec-Buhi sa presente na kun saen nagsusuruksukan na an mga ini.
Sa ngunyan, naglalaom na sana an opisyal na magigin marhay an kamugtakan kan saindang opisina sa masunod na taon.
