Padagos an search and rescue operations kan mga awtoridad sa Indonesia sa 21 kataong nawawara makalihis an duwang magkasuhay na insidente kan paglubog kan bangka sa mga probinsya kan Papua asin East Nusa Tenggara.
Sa report kan lokal na media, sarong speedboat na may lunad na 21 pasahero an tumaob kan nakalihis na Miyerkules nin pagkabanggi sa Yapen Islands Regency sa Papua mantang gikan Serui City pasiring Waindu.
Sigun sa pangenot na imbestigasyon, makukusog na duros asin halangkaw na alon an pigtutukdong kawsa kan aksidente. Tulong pasahero an naisalbar, sarong bangkay an narekober kan Sabado nin pagkahapon, mantang 17 pa an nagtitinir na nawawara.
Mientrastanto, sa suhay na insidente sa East Nusa Tenggara, apat na turistang Espanyol an padagos pang pinaghahanap makalihis maglubog an piglulunadan nindang tourist boat harani sa Padar Island sa laog kan Komodo National Park kan nakalihis na Biyernes nin pagkabangi.
