Aram baya nindo mga ka-bombo, an siyudad kan Buffalo sa New York pigselebrar an saindang pamosong pagkakan kasabay kan pagkundusir kan chicken wing eating contest.
An nasambitan man na selebrasyon an nagin dalan tanganing maipuli an Guinness World Record.
An taunang aktibidad na ini kan Revelas Family Foundation na igwang temang A Not So Silent Night an pigkundusir sa Buffalo Convention Center kun saen pig-feature an pagpurbar na maipuli an Guinness World Record para sa largest chicken wing eating competition.
Igwa ining 499 participants na mas halangkaw kumparar sa dating record na nag-abot sana sa 397 na nairehistro man kan Amazon Web Services kan 2018.
Katakod kaini, an adjudicator gikan sa Guinness World Records an yaon mismo sa lugar tanganing i-confirm an titulo.
Mientrastanto, an nasambitan man na pagpurbar an nagserbeng fundraiser para sa Horizon Health Services’ Teen Mental Health Program.
