Nakatakda nang magbalik sa New York an Filipina tennis sensation na si Alexandra “Alex” Eala para sa saiyang ikaduwang pagsabak sa main draw kan prestihiyosong US Open.
Sa ngunyan, ika-20 an pwesto kan 21-anyos na atleta sa world rankings, bagay na nagpapamugtak sa saiya sa marahay na posisyon tanganing magin seeded player sa women’s singles division kan nasambitan na Grand Slam tournament.
Matatandaan na naggibo nin kasaysayan si Eala sa parehong torneo kan nakaraang taon matapos magin kauna-unahang Pilipino na nanggana nin laban sa Grand Slam main draw,sa paagi kan saiyang kapangganahan kontra ki Clara Tauson sa opening round.Apwera sa saiyang mga tagumpay sa professional circuit, nagin makasaysayan man para saiya an New York kan 2022, kan magkampeon siya sa girls’ singles event matapos talunin si Lucie Havlickova sa finals.
Malaog si Eala sa kompetisyon na may marahay na momentum hale sa saiyang North American swing, kaiba an pagkadaog kan saiyang kauna-unahang WTA title sa Mubadala DC Open, pati na an saiyang marahay na kampanya sa Canada asin Cincinnati.
Apwera sa singles event, makikumpetensya man an Pinay tennis star sa mixed doubles tournament, kun sain makakapareha niya an world number four na si Felix Auger-Aliassime.
