Itinaas kan PHIVOLCS sa Alert Level 2 gikan Alert Level 1 an estado kan Mayon Volcano makalihis makapagrehistro nin padagos na paglangkaw kan rockfall gikan sa summit lava dome.
Magpuon Nobyembre 2025, nagpakol sa 599 rockfall events an nairehistro, na may average na 10 kada aldaw, alagad naglangkaw ini sa 21 kada aldaw sa huring semana kan Disyembre.
Kan nakalihis man na petsa 31 Disyembre 2025, nakapagrehistro nin 47 rockfall events, an pinakahalangkaw sa laog kan sarong taon.
Sigun sa PHIVOLCS, an pagdakol kan rockfall an indikasyon kan pagdakula kan magmatic dome na pwedeng mapuli sa pagputok, siring kan nangyari antes an 2023 eruption.
Apwera digde, naglataw na igwa nin anomalya sa ground deformation kan bulkan sa nakalihis na 18 bulan, na nagpapahiling kan padagos na pag-swelling kan mga dalisdis.
Huli digde, mahigot na ipinagbabawal an paglaog sa 6-kilometer Permanent Danger Zone (PDZ) tangani na maiwasan an peligro gikan sa biglaang pagsabog, landslide, asin ballistic projectiles.
Inabisuhan man an mga lokal na gobyerno na ipreparar an mga komunidad para sa posibleng evacuation asin an mga piloto na umiwas sa paglupad harani sa tuktok kan nasambitan ng bulkan.
