Nagpatanid si Davao City 1st District Rep. Paolo Duterte sa posibilidad na mautro sa 2026 national budget an soboot panghahabon na nangyari sa 2025 budget.
Sigun ki Duterte, nagtitinir na halangkaw an peligro kan pag-utro kan katiwalian huli ta hasta ngunyan mayo pang nakukulong na pigkokonsiderar na mastermind o utak kan korapsyon sa 2025 budget.
Huli digde, pighurot kan lehislador na mayong mangyayaring tunay na reporma kun pauru-utro sana an parehong klase kan katiwalian.
Huli digde, nagtutubod si Duterte na masasakitan na maibweltada an tiwala kan mamamayan hastang nagtitinir na mayong paninimbagan an mga imbwelto asin padagos an soboot pang-aabuso sa pondo kan bayan.
Punto pa kan kongresista, kun dae man tataong masupog an mga responsable, dapat kudta ng tatao sindang maherak sa taumbayan asin pairalon an tunay na paninimbagan, siring man an paglilinig sa proseso kan pagpasa asin paggastos kan kaban ng bayan.
