Inihayag ni Agriculture Secretary Francisco Tiu Laurel Jr. na an pangenot na hamon kan saindang ahensya ngunyan na 2026 iyo an pagmamantinir kan patas na presyo kan paroy, pagpaparikas sa pagpapagibo nin farm-to-market roads, asin man pagpapalawig pa kan P20 na bagas.
Sigun sa sekretaryo, importante an mga ini tangani na mamantinir an produksyon kan bagas, mamantinir an barato asin mapahusay an market access para sa mga paraoma.
Sa pagmamantinir kan patas na presyo nin paroy asin man pagsuporta sa mga lokal na paraoma, mapadagos pa man an pagbakal kan Department of Agriculture (DA) sa National Food Authority (NFA) sa maabot na anihan sa tag init sa presyong P17 para sa basang paroy asin P21 pesos man sa alang.
Mientrastanto, sigun pa rin Agriculture Department na sa pagpapahewas man kan 20 pesos na bagas, kinakaipuhan nin bastante na imbak kan supply, episyenteng logistics, asin mahigot na koordinasyon sa mga LGUs tangani na malikayan an pagkauktaba sa mga supply asin mga butas tangani na makua an target na 15 milyong pamilya o 60 milyong mga Pilipino na makabakal nin baratong bagas.
Hurot kan sekretaryo na preparado sinda sa pagpapalawig alagad madali sana soboot na sabihon kaysa sa gibuhon. Pag abot man sa farm-to-market road uru-aldaw nakikipagpulong an DA tangani na pagpreparan an implementasyon huli sa mahigot na timeline.
Sinaysay kan sekretaryo na ini an saindang tunay na hamon huli ta mapuon soboot an kagawaran gikan sa zero hasta sa one hundred.
Soboot mawot kan DA na magibo ining maayos, transparent, mayong katiwalian, asin gigibuhon an proyekto sa tamang pamantayan kan kalidad asin katatagan.
