Mahigot an reserbasyon ni Senador Francis “Kiko” Pangilinan sa implementasyon kan P33 bilyong kantidad kan farm-to-market roads (FMR) kan Department of Public Works and Highways (DPWH), dawa pabor ini sa prosopwestong General Appropriations Bill para sa 2026.
Sa pahayag, pigsaysay ni Pangilinan, chairman kan Senate Committee on Agriculture, Food and Agrarian Reforms, na lubhang peligroso an anti-corruption efforts asin seguridad sa pagkakan kun ibwelta sa DPWH an pagpapatindog kan FMR.
Pigsuportaran kaini an bicameral conference committee report alagad pighagad ki Presidente Ferdinand Marcos Jr. na i-veto an probisyon na tugutan an Department of Agriculture (DA) na ilaog sa memoranda of agreement sa DPWH para sa ₱33-billion FMR program.
Pigbanggit pa kan senador na malinaw sa irarom kan Section 52 kan Republic Act No. 8435, o an Agriculture and Fisheries Modernization Act, na tungkulin kan DA an planning asin prioritizing kan FMRs sa pakikipagtabangan kan local governments asin grupo kan mga paraoma asin parasira.
Pigtukdo pa ni Pangilinan na dae nauutob kan DPWH an backlog kaini na 60,000 kilometro kan FMR basado sa datos kan DA.
Partnership Code na pinagtibay kan December 2023 komo paagi na gamiton an pribadong kapital sa pagpaparekas kan proyekto asin siertuhon an pananagutan nin mayong overloading sa DPWH.
