Pighurot ni Pope Leo XIV kasuodma, aldaw nin Domingo na an kapakanan kan mga mamamayang Venezuelan an dapat manaig makalihis na mapatalsik an Presidente kan nasyon na si Nicolas Maduro sa sarong operasyon na isinagibo kan Estados Unidos.
Makalihis an pagpangadyi kan Angelus sa St. Peter’s Square, sinaysay kan primerong American Pope na kaipuhan enoton an kapakanan kan sambayanang Venezuelan, labi sa anuman na interes o konsiderasyon.
Sigun ki Pope Leo, an pagbalyo kan kapangyarihan kan nasyon an dapat magbukas nin landas pasiring sa pagtatapos kan karahasan asin sa pagbusol sa katarungan asin katoninongan.
Pigtawan-duon man kaini an importansiya kan paggalang sa soberanya kan Venezuela,ipinautob an nag-iiral na ley asin konstitusyon, asin pangangatamanan an karapatang pantao asin sibil kan lambang mamamayan.
Pig-enkaminar man kan Santo Papa an magkatuwang na paghiro tanganing makapagpatindog nin sarong matoninong asin matatag na futuro para sa nasyon, na igwang espesyal na kasimbagan sa mga nagtitios na labi na naapektaran kan matinding krisis pang-ekonomiya.
An pahayag kan santo papa, ginibo sarong aldaw makalihis na dinakop si Maduro sa Caracas kan US special forces.
Katakod kaini, sinaysay ni US President Donald Trump na pamamayuhan kan Washington an Venezuela asin gagamiton an mga reserbang langis sa nasyon.
