Pigkokonsiderar kan Philippine National Police (PNP) na matoninong asin marhay sa kabilogan an idinaos na haros 31 oras na Traslacion ngunyan na taon, na pigkokonsiderar komo pinakahaloy na prusisyon kan Poong Hesus Nazareno sa historya.
Sigun ki PNP acting chief Police Lt. Gen. Jose Melencio Nartatez, Jr., nagpapahiling ini kan propesyunalismo, disiplina asin dedikasyon kan kapulisan na ipinakuriyat puon sa puon pa sana kan mga serye kan aktibidad hasta sa implementasyon kan security plan.
Dakua man soboot an nagin papel kan operational readiness sa pagpugol sa major untoward incidents.
Alagad, nagpaabot man nin pakikidumamay an hepe kan pambansang pulisya katakod sa tolong naireport na binawian nin buhay sa kasagsagan kan Traslacion kaibahan an sarong photojournalist asin duwang deboto.
Pig-omaw man ni Nartatez an mga kapulisan sa saindang ipinamalas na higos asin tiyaga sa pagsierto sa seguridad sa kabilogang durasyon kan Traslacion.
Inihayag ni Nartatez na an Traslacion ngunyan na taon an sarong pambihirang pagpapahiling nin disiplina, paghihingowa asin commitment sa saindang mandato na pagsirbihan asin protehiran an taumbayan.
Sa ibong soboot kan kapagalan asin kawaran nin turog, nagtitinir soboot an mga ground commander asin personnel sa ground tanganing siertuhon na istriktong naipapautob sa kaniya-kaniyang hurisdiksiyon an kasalbaduhan kan publiko asin mamanehar an dakol kan tawo.
Apwera sa pagpupugal sa gabos kan kapulisan huli sa matrayumpo na pagpapautob kan security measures, pig-omaw man kan hepe kan pambansang pulisya an gabos kan commanders asin personnel para sa excellent real-time adjustment kan security plan na nagresulta sa matoninong asin makabuluhang traslacion.
Nagpaabot man nin pasasalamat an PNP Acting Chief sa gabos kan personnel kan iba pang mga ahensiya kan gobyerno para sa dugang na pwersa, sa mga miyembro kan media para sa saindang paghihingowa asin pag-extend kan saindang tungkulin tanganing makapaghatod nin update sa taumbayan siring man nagpasalamat an hepe sa kooperasyon kan publiko.
