NAGA CITY – Marekas na nagresponde an Pili Fire Station sa nangyaring salpukan kan sarong pampasaherong bus asin SUV sa Barangay Pawili, Pili Camarines Sur.
Sa entrevista kan Bombo Radyo Naga ki FO2 Jeffrey M. Diaz, Chief, Public Information Section-Pili Fire Station sinaysay kaining sa tolos na pagresponde kan mga otoridad nanutaran an sarong SUV na naiipit sa pampasaherong bus alagad tolos man nagibo nin paagi tanganing maisalbar an mga biktima kan nasambitan na aksidente.
Pigbuyagyag man kaining masakit para sa sainda an pagresponde huli ta kinaipuhan pang wasakon an mock window kan lunadan tanganing mailuwas an driver kan SUV.
Alagad mayo man nairehistrong critical injury sa nasambitan na aksidente.
Patotoo man ni Diaz na nagin haloy an pagresolbar kan insidente dahil sa kakulangan kan kagamitan para makua an biktima na naipit sa nangyaring aksidente.
Sa ngunyan mandato sa Bureau of Fire Protection na bako na sana para sa Fire Suppression an trabaho kaini huli ta kaiba na responsabilidad ninda an mga manmade, natural disaster asin iba pang mga emergencies.
