Tolong (3) weather systems an piglalaoman na madara nin mga pag-uran sa manlaen-laen na parte kan nasyon ngunyan na semana, sigun sa Philippine Atmospheric, Geophysical and Astronomical Services Administration (PAGASA).
Basado sa state weather bureau an shear line, madara nin maulap na papawirin na igwang kaibahang mga pag-uran sa sirangan na parte kan Luzon, partikularmente na sa Cagayan, Isabela, Aurora, asin Quezon.
Papakusugon man kan northeast monsoon o amihan, an mas malipot na pagkaaga puon Domingo hasta Lunes.
Apwera digde, piglalaoman man na madara an amihan nin mga pag-uran sa Cordillera Administrative Region (CAR) asin sa timog asin kanluran na parte kan Luzon.
Mientrastanto, an easterlies o an mainit na duros na gikan sa Pacific Ocean an madara nin posibilidad kan mga pag-uran asin pagkidlat – pagkulog sa Bicol Region asin Mimaropa, na kinababalihan kan Occidental Mindoro, Oriental Mindoro, Marinduque, Romblon, asin palawan pag-abot kan hapon asin banggi.
