Iimbestigaran kan National Bureau of Investigation (NBI) an nasa likod kan online post na nagsasabing nagkakahelang, idinara sa ospital asin kalaunan, binawian nin buhay si Ombudsman Jesus Crispin Remulla.
Sigun ki NBI Director Angelito Magno, nakapreparar an bureau tanganing simbagan an anuman na request na tabang gikan sa gabos na mga ahensiya kan gobyerno.
Naenot na kayang hinagad ni Ombudsman Remulla sa NBI na imbestigaran an pinakuriyat na salang impormasyon.
An mga mayo soboot na basehan na report katakod sa saiyang salud an parte kan “orchestrated campaign” kan saiyang mga karibal sa pulitika. Igwa soboot ideya an Ombudsman sa kun sisay an posibleng nasa likod kan mga salang impormasyon.
Sigun ki Remulla, naabot na an limitasyon kan cyber liber kaya pighihiling ninda kun saen ini mahantong.
Basado man sa NBI Chief na an pagpapalakop kan salang impormasyon online katakod sa pagkagadan kan Ombudsman an pagbalgar sa Cybercrime Prevention Act of 2012, na laog sa hurisdiksiyon kan NBI tanganing saindang imbestigaran.
Alagad maski kadakol na kapot na kaso an bureau siring kan misinformation asin iba pang libelous publications, ginibo ninda an saindang makakaya tanganing maresolbaran an mga ini sa orog na marekas na panahon.
