Nagmarka an K-Pop Demon Hunters sa industriya makaligis an saindang hit na kanta na “Golden” na nanggana sa 83rd Golden Globe Awards para sa Best Original Song – Motion Picture kan Dominggo. (Aldaw sa Amerika).
An pagkagana kasunod kan trayumpo kaini sa Critics Choice Awards kan nakalihis na semana.
Si EJAE, an singer-songwriter na nagtaong-boses ki Rumi sa pelikula, nagtao nin emosyonal na acceptance speech na nagbalik-tanaw sa saiyang sampulong taong sapalaran sa K-Pop industry.
Istorya kaini nagpuon ining mag-training komo K-pop idol sa edad na 10, alagad dae ini napili na mag-debut komo miyembro kan grupo o solo artist. Sa huri, nag-shift ini sa songwriting – sarong landas na nagdara sa saiyang trayumpo sa K-Pop Demon Hunters.
Pigtapos kaini an saiyang speech sa sarong mensahe dapit sa pagigin determinado.
Sa magkasurunod na pagkagana enot na semana kan taon, nagluwas na an “Golden” sa mga pinaka-defining na kanta kan season, mantang si EJAE padiit-diit nang pigbibisto komo sarong rising star sa parehong K-pop asin International Music Scene.
