NAGA CITY- Nagpapadagos an mga programang pang-edukasyon kan Caroyroyan, Pili, Camarines Sur para sa saindang mga residente partikular sa mga out of school youth ngunyan na taon.
Sa entrevista kan Bombo Radyo Naga ki Jerry Canave, Barangay Captain kan nasambitan ng lugar, sinaysay kaini na sa paagi kan CBSUA asin konseho nabilog an ABAKADA o Reading Comprehension.
Digde pigtutukduan an mga residente, kabali na an mga gurang asin mga out of school youth na magbasa asin makaintindi.
Sigun sa opisyal ini an ginigibo tuyong aldaw nin Sabado kun saen nagpuon antes na magpasko kan nakalihis na taon asin mapadagos ngunyan na 2026.
Obheto kan programa na matawan nin kapasidad an saindang mga nasasakupan na makanood magbasa asin maintindihan ninda ini.
Dugang pa kan Kapitan, an pag-aadal kan mga tawo dae natatapos maski naka-gradwar na, continues process na kaipuhan kan gabos.
Minaabot man sa 40 na mga indibidwal an nagpapartispar sa aktibidad kun saen an saindang mga pagkakan an libredo na.
Mientrastanto, madurar an nasambitan ng programa ngunyan na taon para sa kabilugang 12 na Sabado.
Sa ngunyan, pigsierto na sana kan opisyal na yaon an saindang paglalapigot tanganing mapanuan an gabos na pangangaipuhan kan saindang mga residente orog na sa lado kan edukasyon.
