Aram baya nindo mga ka-Bombo, opisyal nang binisto kan Guinness World Records an 19-anyos na si Hope Roberts gikan sa Bedford, England komo may kansadiri kan largest collection of Jellycat toys sa bilog na kinaban.
Sa masusing verification kan nakalihis na December 2025 na naghaloy nin apat na oras, nakapagkurit ini nin 877 items na kinababalihan kan stuffed toys, stickers, bags, asin keyrings.
Para sa mga dae pamilyar, an Jellycat an sarong sikat na British brand na itinatag kan nakalihis na 1999 na bistado sa saiyang high-quality asin malambot na stuffed toys.
Apwera sa mga hayop, bistado sinda sa mga kakaibang designs kan mga stuffed toys na hugis prutas, kape, sandwich asin mga pananom na binugtakan nin lalawgon, na nagin viral sentation orog na kan nakalihis na pandemya.
Sigun ki Hope, nagpuon sana an saiyang obsession duwang taon na an nakakalihis kan makabakal ini nin sarong Jellycat bunny sa charity shop.
Puon kaidto, naglobo na an saiyang koleksiyon na ngunyan pigkakarkulong nasa 1,000 pidaso na, kun saen an nagkapira sa mga rare items an nagkakantidad nin labi £1,000 (nasa P70,000+).
An saiyang hobby, dae sana nagtao sa saiya nin world record kundi pati na man nin atensiyon sa social media, kun saen nanutaran pa ini kan sikat na socialite na si Nicky Hilton.
