Nakabweltada na sa nasyon si Presidente Ferdinand marcos jr kasubago alas-11:28 nin pagkaaga.
Sa saiyang arrival statement, pigbida kan Presidente an trayumpo sa pigpirmahang duwang importanteng kasunduan sa pag-ultanan kan pilipinas asin UAE an comprehensive economic partnership agreement o cepa asin an memorandum of understanding on defense cooperation.
Sigun sa Presidente, sa irarom kan cepa mas mahewas an market acces kan pilipinas sa Gitnang Silangan para sa mga produkto kan nasyon kaibahan digde an suplay kan professional services, health, construction, information and communications technology asin iba pa.
An pagpapapusog sa market acces para sa filipino service providers pasiring UAE malinaw na pagbisto kan professional competence asin excellence o pagigin matibay kan mga Pilipino sa siring na ladangan asin pagbisto sa dae matatawarang kontribusyon sa ekonomiya kan UAE.
Para sa pigpirmahan naman na MOA on defense cooperation, sinaysay kan Presidente na mataong dalan ini sa mas hararom na pakikipag tabangan sa UAE sa advanced defense technologies siring kan unmanned aerial system, electronic warfare, asin naval systems na importanteng sa pagsasa moderno asin pagpapasigla kan kapabilidad kan satuyang sandatahang lakas.
Sa irarom kan kasunduan, papapusogon an defense asin military relations kan duwang nasyon sa paagi kan edukasyon asin pagsasanay, intelligence asin security sharing, asin kooperasyon sa ladangan kan anti terrorism, maritime security asin peace keeping operations.
