NAGA CITY- Makundusir an Comelec Naga nin Election Registration Board hearing sa maabot na Enero 19 hasta 21.
Sigun ki Atty. Maico Julia Jr, Election Officer kan Comelec Naga, an nasambitan ng ERB an para sa bulan kan Oktubre hasta Disyembre kan nakalihis na taon.
An mga botante na nagparehistro an subject para sa approval asin dis-approval kan board.
Paliwanag pa kan opisyal, kadaklan sa mga kaso kan nadi-dis-approve iyo an doble an registration.
Katakod kaini, kaipuhan na mag-apply for transer an sarong botante tanganing sa saro lang na lugar nakarehistro.
Dugang pa ni Julia, an Election Registration Board hearing an pigkukundusir every quarter boot sabihon, an mga nagparehistro ngunyan na Enero hasta Marso, isasagibo an ERB sa maabot na Abril.
Mientrastanto, pigsaysay pa kan opisyal na dagos-dagos man an voter’s registration maski nagkukundusir nin Election Registration Board hearing kun kaya bukas an opisina kan Comelec Naga tanganing i-akomodar an mga maparehistro.
Sa ngunyan, nasa 2,400 na registrants an subject para sa approval o dis-approval sa maabot na Enero 19, 2026.
