Mayo dapat ihagad nin pasensiya si Philippine Coast Guard (PCG) spokesperson for the West Philippine Sea (WPS) Commodore Jay Tarriela katakod kan mga post kaini sa social media.
Kasunod ini kan pagtutol kaini sa soboot agresyon kan China sa mga pinag-aagawang dagat, makalihis na magsunad an Beijing nin diplomatic protest kontra sa saiya huli sa mga post kaini.
Sa sarong pulong balitaan kasuodma, Enero 17, sinaysay ni Tariella na mayo soboot otoridad an Chinese Embassy tanganing obligaron ining magpaliwanag o maghagad nin pasensiya.
Marurumduman na tinuyaw kan Chinese Embassy sa Manila an PCG official huli sa pag-post soboot kaini nin mga imahe sa social media na sigun sa Beijing “attacking and smearing Chinese leaders.”
Sigun sa pahayag kan embahada, an nasambitan ng mga post an sarong “serious violation of China’s political dignity and a blatant political provocation,” asin sinaysay na naglampas soboot ini sa inaapod nindang “red line”.
Huli digde, sinaysay kan Chinese Embassy na nagsunad ini nin diplomatic protest sa Malacañang Palace, Department of Foreign Affairs (DFA), asin Philippine Coast Guard.
Katakod kaini, pighurot ni Tarriela na an isyu kan diplomatic protest an sakop kan DFA asin bako kan PCG.
Naenot na man na pighurot kan PCG Spokesperson na an saiyang mga post an bakong pangraraot o paninirang-puro, kundi paglalahad nin mga makatotohanang pangyayari na pigsusuportaran soboot nin video footage, mga litrato, opisyal na report kan PCG, asin obserbasyon kan mga third party.
Dugang pa kaini, kun tinutulan kan Chinese Embassy an mga ladawang naglalahad nin mga pagbalgar—magin sa anyo kan lehitimong diskurso, ini soboot an nagpapahiling sana nin bakong komportableng pag-ako sa katotoohan.
Kan nakalihis na Huwebes, nagsimbag si Tarriela sa sarong social media post kan deputy spokesperson kan Chinese Embassy sa Maynila na si Guo Wei, makalihis ining akusaran kan pagtatao nin salang pahayag katakod kan isyu sa pinag-aagawang kadagatan.
