Nagsangat nin diplomatikong protesta an Pilipinas laban sa Tsina huli sa pagkahiling kan floating platform sa Bajo de Masinloc sa West Philippine Sea.
Susog sa Department of Foreign Affairs (DFA), ginibo sana ninda an kinakaipuhan sa paagi nin pagsangat nin diplomatikong protesta.
An DFA dai naghiras nin ano man na dugang na detalye huli sa pagigin kompidensyal.
Sinabi kan tagapagtaram kan Philippine Coast Guard (PCG) para sa WPS Rear Admiral Jay Tarriela na an mga floating platforms enot na nadiskubre sa paagi kan satellite imagery asin maritime domain awareness operations na ginibo kan Mayo.
Dugang pa kaini na nasa 30 metro kwadrado an hiwas kan deck asin pigkakarkulong nasa lima hasta pitong metro an laba kan mga ini.
May mga Intsik suboot na nahiling sa plataporma kan Mayo 30.
Kan Mayo 31, an nasabing plataporma naglaog nin mas hararom sa Bajo de Masinloc, na soboot tinatabangan nin sarong China Boat
