Labi siyam sa kada sampulong premirong barakalon sa nasyon na matinir an parehong presyo ngunyan na taon, huli ta ipigpauktaba kan mga manufacturer an paglangkaw sa ibong kan naglalangkaw na gastos sa produksyon.
Sigun sa Department of Trade and Industry (DTI) kan Miyerkules, 186 sa 205 stock-keeping units, o poco mas o menos 91% kan mga premirong pangangaipuhan asin premirong kalakal, mayong nairehistrong pagbabago sa presyo.
Kaibahan sa mga produktong may matatag na presyo an sardinas sa tomato sauce, instant mami noodles, sabon panlaba, kandila, tinapay, sabon pangkarigos, asin baterya.
Ini makalihis na magtugot an mga manufacturer na akuon an mas halangkaw na gastos sa hilaw na materyales, packaging, logistics, asin toll-packing. Kan nakalihis taon, nangapudan an DTI sa mga producer na ipagpauktaba an paglangkaw kan presyo, orog na kada may bagyo asin panahon kan kapaskuhan.
Sa ngunyan nagtitinir na nakapokus an DTI sa pagtatao nin proteksyon sa mga parabakal mantang pigbibisto an mga hamon sa ekonomiya na kinakahampang kan mga manufacturer,”
Sa paagi kan regular na price monitoring asin bukas na dayalogo sa mga manufacturer, nasisierto kan ahensya na an anuman na paglangkaw kan presyo makatarungan asin may sapat na rason.
