Mapipiritan an grupo kan mga negosyante sa nasyon na maglangkaw kan presyo kan saindang produkto huli sa padagos na pagtaas kan presyo kan produktong petrolyo.
Segun ki Steven Cua, executive director kan Philippine Amalgamated Supermarkets Association, dakol nang negosyante an nagrereklamo huli sa halangkaw na gastos sa transportasyon para sa saindang mga produkto.
Ilan sa mga nahihiling nindang rason digdi iyo an padagos na pagsiklab kan giyera sa Gitnang Silangan siring man an pagluya kan Peso kontra sa dolyar.
Andam man sindang makipagpulong sa Department of Trade and Industry (DTI) manungod sa plano nindang paglangkaw kan presyo kan saindang mga paninda.
Advertisement
Advertisement
