Pigdoble ni Presidente Ferdinand Marcos Jr. an cash incentives kan mga atletang Pilipino na nagpuli nun medalya sa 33rd SEA Games na pigkundusir sa Thailand.
Sa homecoming celebration kan mga atleta, piganunsiyar ni Presidente Ferdinand R. Marcos Jr. na makakareseber nin ₱300,000 an mga gold medalist, ₱150,000 an silver medalist, asin ₱60,000 an bronze medalist gikan sa Office of the President.
Apwera pa ini sa cash incentives na pigtatao sa irarom kan Republic Act 10699 o Athletes and Coaches Incentives Act.
Nagtao man an tanggapan kan Presidente nin pig-₱10,000 cash incentive sa mga atletang nanalo sa iba pang international sports competitions apwera sa SEA Games.
Sa kabilogan, 277 medalya an naipuli kan Team Philippines sa SEA Games kun saen 50 ginto, 73 pilak, asin 154 tanso.
Alagad sigun sa Presidente, may medalya man o mayo, wagi pa man an mga atleta sa puso kan sambayanang Pilipino huli sa pigpamalad nindang husay asin dedikasyon.
