Nadadawit sa panibagong set KAN ghost flood control projects sa Bulacan an state witness na si dating Department of Public Works and Highways (DPWH) Bulacan District Engineer Henry Alcantara.
Ini makalihis lumuwas sa pigsumiter na fraud audit reports kan Commission on Audit (COA) sa Independent Commission for Infrastructure (ICI) na isinapubliko kan Martes, na an DPWH Bulacan First District Engineering Office an nag-impelementa kan gabos na nasambitan na ghost flood control projects na nagkamal kan bilog P325 million na pondo.
Napag-araman sa pigsagibong pagsusuri kan state auditors sa mga proyekto an pauru-utro na indikasyon kan sistematikong salang paggamit kan kaban nin bayan asin mahewasang iregularidad.
An mga ghost project piglipat sa dae aprubadong mga lokasyon na pagbalgar sa procurement and contract rules. Pirang mga dokumento man an nawawara kaibahan an plano sa pagpapatindog kan mga proyekto, detalyadong breakdown kan kantidad kan mga ini, geotechnical investigation reports, complete statements kan natapos na proyekto asin aprubadong master plans.
Katakod kaini, pigrekomenda kan COA an pagsusunad nin criminal cases kontra ki Alcantara asin iba pang dating engineers asin kontraktors kan DPWH.
Marurumduman, kan Enero 15 kan i-admit si Alcantara komo saro sa apat na state witness sa kasong may kinaaraman sa flood control anomaly.
