Aram baya nindo mga ka-bombo, matrayumpo na nasakat ni American climber Alex Honnold an skyscraper sa Taiwan nin mayong gamit na lubid, harness asin mga safety equipment.
An Taipei 101 an igwang langkaw na 1,667 talampakan na gibo sa bakal, salming asin konkreto.
Si Honnold an nabisto komo kaenot-enoting tawo na nagsakat sa El Capitan nin mayong anumang lubid o safety kun saen ini an igwang langkaw 3,000 talampakan granite cliff sa Yosemite national park sa California.
Isasagibo kuta an pagsakat kan nakalihis na Sabado alagad basa an lugar huli sa pag-uran kaya ipigpauktaba nin sarong aldaw.
Natapos kaini an pagsakat nin sarong oras asin 31 minuto kun saen pag-abot sa tuktok an nag-selfie pa.
Mientrastanto, binati man ni Vice-President Hsiao Bi-khim kan Taiwan si Honnold katakod kan nasambitan ng trayumpo.
Enot nang nasakat ni Alain Roberts an Taipei 101 kun saen natapos ini sa laog kan apat na oras.
