PIGSIERTO ni Commission on Elections (Comelec) Chairman George Erwin Garcia na suportado kan ahensya an anuman na lakdang tanganing maipautob sa nasyon an anti-political dynasty.
Sigun ki Garcia, mayo nang kuwestiyon na kaipuhang maibusol an nasambitan ng prosopwesto asin nagtutubod ini na pwedeng maisakatupadan ini sa ika-20 Kongreso.
Katakod digde, an apelar sana kan poll chief, kaipuhang magin malinaw, mahewas, halipot asin sierto an magigin ley tanganing magin epektibo an implementasyon asin likayan na makuwestiyon sa Korte Suprema.
Pigtawan duon pa ni Garcia, posibleng magkaigwa nin problema sa Implementing Rules and Regulations (IRR) na ipapautob kan Comelec kun dae malinaw o dae lubos na maintindihan an obheto kan Kongreso.
Paliwanag pan kan opisyal, malinaw na nakapalaman sa Deklarasyon an polisiya kontra sa political dynasty, alagad pigsugo an Kongreso na magtao nin depinisyon, magbilog nin ley asin siertuhon na marhay an pagpapautob kaini.
Nagtutubod man si Garcia na pursigido an Presidente asin Kongreso na maibusol an anti-political dynasty, alagad maski pinakadakulang huma digde an paglalatag kan teknikal na aspeto kan batas.
