Liwat na maangat sa panibagong career-high si Alex Eala sa WTA rankings.
Basado sa presenteng puwesto ninda sa WTA live rankings, nasa ika-45 na si Eala — mas halangkaw sa saiyang career-high na No. 49 pwesto.
Ini an sa ibong kan saiyang quarterfinal exit sa Philippine Women’s Open na ginanap sa Rizal Memorial Tennis Center sa Manila.
Kaya man mas orog pang gaganahan si Eala orog pa ta dakulang tabang ini tanganing makakua nin otomatikong tiket sa main draw kan darakulang international tournaments.
Sa ibong kan pagkakasibak sa Philippine Women’s Open, maogma si Eala sa saiyang performance.
Alagad mas maogma ining mahiling an mga Pilipinong padagos na nagsusuporta sa saiyang laban — manggana man o madaog.
Nagpasalamat ini sa mga kababayan kaini na nagtitinir na yaon sa ibong kan kabiguan.Nagpromesa si Eala na padagos an paghihingowa kaini tanganing matikas na maiwagaywag an bandera kan Pilipinas sa mga masunod na torneong papartisiparan kaini.
Kaibahan na digde an 2026 Abu Dhabi Open na gaganapon sa United Arab Emirates.
Laog sa main draw si Eala sa Abu Dhabi Open makalihis ining mabiyayaan nin wild card entry.
