Dae nakua ni Alex Eala, an saiyang ikaduwang WTA title matapos matalo ki American player Claire Liu sa final kan Hong Kong Open.
An iskor kan laban iyo an 3-6, 0-6.
Sa ibong kan pagkatalo, nagpabilin na magalang asin positibo si Eala, asin binati si Liu sa pagkapanalo kan saiyang kauna-unahang tour title.
Naging dikdikan an enot na set, nagtabla sa 3-3, bago naglamang si Liu.
Nag-agi si Eala sa masakit na laban bago makaabot sa finals, kaiba an halawig na semifinal match kontra ki dating world number three na si Maria Sakkari.
Posibleng naapektuhan an kondisyon kan Pinay tennis star huli sa sunod-sunod na masakit na laban, asin naghagad pa nin “medical timeout” para sa saiyang kanang hita sa ikaduwang set.
Sa ibong kan gabos, nagpasalamat si Eala sa mga tagahanga na padagos na nagsusuporta saiya.
