Dagusang pigbasura kan House Committee on Justice an duwang reklamong impeachment kontra ki ki Presidente Ferdinand Marcos Jr. makalihis na papusugon kan miyembro kan mayorya na kulang an mga ini sa substansiya.
Sa botong 42 pabor, 3 tutol, asin 1 abstain, ipigdeklarar na insufficient in substance” an reklamong pigsunad ni Atty. Andre de Jesus na inendorso ni Rep. Jett Nisay.
Mientrastanto, sa suhay na boto na 39 kontra asin 7 pabor, ibinasura man an reklamong pigsunad kan Makabayan bloc na nagsasabing igwang “betrayal of public trust” si Marcos katakod kan soboot dae patas na alokasyon kan pondo para sa mga proyekto kan imprastruktura.
Kan Pebrero 2, parehas na reklamong impeachment an enot na pigbisto komo “sufficient in form,” alagad sa masusing pagsusuri kan komite, nagluwas na dae bastante an mga ebidensiya asin batayan tanganing idagos an mga ini sa plenaryo.
Sigun sa mga miyembro kan komite, importanteng siertuhon na an mga reklamong impeachment an igwang pusog na substansiya antes ining isalang sa mas mahewas na deliberasyon kan Kamara.
An desisyon an nagpapahiling kan labing huma sa mga nagbubusol kan impeachment kontra sa Presidente orog na ta kontrolado kan mga kaalyado kan administrasyon an mababang kapulungan.
