DOT, papag-adalan an airfare deregulation makalihis an reklamong naresebir sa langkaw kan pamasahe

Pag-aadalan na ni Tourism Secretary Christina Garcia Frasco an deregulation sa mga airline industry sa nasyon.

Kasunod ini sa reklamong nareresebir kaini na labi an langkaw kan pamasahe sa eroplano pasiring sa mga tourist destination sa nasyon kaysa sa airfare na pasiring sa ibang nasyon sa Asya.

Dugang pa kaini na an airline industry an na-deregulated na kaidto sa paagi kan executive order puon pa kan nakalihis na 2011.

Pighagad na man kan Department of Tourism sa Civil Aeronautics Board (CAB) tanganing magpresentar nin bulanang ticket pricing para sa mga eroplano.

Enot ng ipinaliwanag kan CAB na an halangkaw na pamasahe sa eroplano an gikan sa mga manlaen-laen na travel agencies sa nasyon na nagtatangro sa mga local tourist destinations.