Napagkasunduan kan mayorya na antes an 2028 elections saindang papatukawon an babaeng Senate President si Senator Loren Legarda.
Ini an sinaysay ni Senate Majority Leader Migz Zubiri makalihis an paglilinaw na dae term-sharing an mangyayari sa pag-ultanan ninda Senate President Tito Sotto III asin Legarda kundi sarong agreement o kasunduan na piglalaomang mangyayari antes an 2028 elections.
Sigun ki Zubiri, aram soboot kaini an kakayanan ni Legarda asin“very qualified” magin lider kaya pig-apod kaining future Senate President.
Piglalaoman na mangyayari an pagriribay nin liderato sa pagbalyo ninda sa New Senate Building sa huring parte kan 2027.
Nagpuon ini na sarong suba kan mag-iribahan sa lounge mantang naka-suspend an sesyon alagad ini an pigsuportaran ni Sotto asin mayo an nagtutol sa ideya.
Pigsaysay pa ni Zubiri na magin ini an preparadong itao an posisyon na majority leader sa saiyang deputy na si Senator JV Ejercito.
