Nagsayuma na magtao nin komento si Presidente Ferdinand Marcos Jr. katakod kan duwang reklamong impeachment na pigsunad kontra ki Vice President Sara Duterte.
Sigun sa Presidente, dae kaini trabaho an magtao nin pahayag dapit sa nasambitan ng isyu.
Ini an kasunod kan kumpirmasyon ni House Secretary General Cheloy Garafil na nai-transmit na kan saiyang opisina an duwang mpeachment complaints kontra sa Bise Presidente sa Office of the Speaker para sa magkakanigong aksiyon kan Kamara de Representantes.
Sa ibong kaini, nagpahayag nin kumpiyansa an Presidente sa kakayanan kan Kamara na maneharon an kaso.
Tiwala soboot an Punong Ehekutibo na susunudon kan Mababang Kapulungan an pigtalaan na proseso asin mga probisyon kan Konstitusyon sa pagkapot kan nasambitan ng usapin.
