Ikinaogma ni United Nations Secretary-General Antonio Guterres an ginibong pag-uulay kan US asin Iran tanganing mabawasan an nuclear tension.
Pinasalamatan kaini an mga opisyal kan Oman huli ta sinda an nagtangro na duman gibuhon an nasambitan ng pag-uulay.
Marurumduman, nagkaigwa nin pag-uulay an mga representate kan US asin Ian kun saen pigkokonsederar kan kadaklan na sarong magayon na pagpuon ini.
Nagkapirang mga nasyon siring kan Qatar asin Turkiye an nangapudan nin pag-uulay tanganing malikayan an anuman na paglunsar kan kariribukan.
Advertisement
Enot nang nagpatanid si US President Donald Trump na dae sinda maduwa-duwang isip na atakihon an Iran kun mamatagas ini na makipag-ulay asin untukan an mga nuclear weapons.
Advertisement
