Aram baya nindo mga ka-bombo, sarong grupo kan mga arkeologo sa Utah an nakakalot nin sarong bote kan arak na pigkakarkulong 150 taon na.
Ini an pigpurbaran kan mga eksperto tanganing maraman an kakaibang namit kaini.
Sigun ki Ian Wright, pampublikong arkeologo kan estado nin Utah, kabali an bote sa ribu-ribong artifact na gikan pa kan taong 1870–1890 na nakua sa kadagaan na pagsasadiri kan U.S. Forest Service na ginagamit kan Alta ski resort.
An nakuang bote an sulamenteng bistadong bilog pa asin dae nabuksang bote nin arak puon sa panahon na idto hasta makua sa Utah.
Pigtabangan kan grupo ni Wright an High West, an pinakagurang na lehitimong distillery sa Utah, tanganing surion an laog kan bote.
Nagtao man an Old Town Cellars nin sarong Coravin device tanganing kuonon an likido na dae nararaot an cork.Si Isaac Winter, direktor kan distilling sa High West, an enot na nagpurbar kan nasambitan ng arak.
Sigun sa mga eksperto, garo beer an laog kan bote asin bakong hard liqour asin plano nindang maibweltada an resipe kaini sa paagi kan yeast na makokolektar sa laog kan bote.
