Pinayuhan ni Senate President Tito Sotto III an mga senador na naghiro kun nakukulugon sinda sa pag-apod sa sainda na Chinador huli sa alegasyong sinda an kakampi kan China.
Nagkapira sa mga nagkuriyat ngunyan sa social media an pagpangaran sa walong senador kan minorya asin sarong senador kan mayorya na tunog Chinese asin igwang mapa kan West Philippine Sea kun saen saan nakalapat sa 9-dash line kan China an mga lalawgon kan mga lehislador.
An walong senador na ini an sinda Senate Minority Leader Alan Peter Cayetano, Senators Rodante Marcoleta, Imee Marcos, Robinhood Padilla, Bong Go, Bato dela Rosa, Chiz Escudero, Joel Villanueva asin gikan sa majority na si Senator Pia Cayetano.
Payo ni Sotto, hanapon kan mga senador kun siisay an source o nasa likod kan pag-a-upload nin mga memes asin caricature kontra sa mga kaibahang lehislador.
Aminado man an Senate President na nakukulugan ini tuyong dae pigkakampihan kan mga Pilipino an sadiring nasyon.
Marurumduman, dae nagtinta an 9 na senador sa resolusyong nagkokondena sa pagbatikos kan China embassy sa mga senador asin nagkapirang opisyal kan nasyon na nagpoproteher sa derechos kan Pilipinas sa West Philippine Sea.
