Gagamiton kan gobierno an teknolohiya komo pangenot na kasangkapan tanganing mapahewas an oportunidad para sa mga Pilipino.
Sigun ki Presidente Ferdinand Marcos Jr., dae na maisusuway an teknolohiya sa pang-ara-aldaw na buhay kan namamanwan huli ta haros gabos an konektado na sa internet asin naggamit nin cellphone.
An pag-aadal, pakikipag-ulay asin magin an trabaho an padikit-dikit nang nagigin digital, kaya importante na samantalon kan gobierno an benepisyong kawsa kan makabagong teknolohiya.
Pigtawan duon kan Presidente Pangulo, bako sana ini tanganing makasabay sa dalagan kan panahon, kundi tanganing makakriar nin mas kadakol na pagkakataon sa edukasyon, trabaho, asin kabuhayan.
Sa tahaw kaini, pigsierto kan Presidente na paglalapigutan kan gobierno na masierto na an gabos na mga Pilipino an igwang bastanteng kaaraman, kakayanan asin oportunidad tanganing makinabang sa digital na kauswagan kan nasyon.
