Inaprubahan kan House Committee on Basic Education and Culture an tolong pangenot na education reform bills na isinurat ni Leyte Rep. Martin Romualdez, Tingog Partylist Representatives, Yedda Marie Romualdez, Andrew Julian Romualdez asin Jude Acidre na obhetong simbagan an naglalalang krisis sa Edukasyon kan nasyon.
Kaibanan sa mga aprubadong panukala an Classroom-Building Acceleration Program (CAP) Act (HB 5577) na nagtataong dala sa mga LGU asin pribadong sektor na makipagtabangan sa DepEd sa pagpapatindog nin mga klasrom para mabawasan na backlog na labi sa 165,000 classroom apwera pa kasabay man an Education Pathways Act (HB 4248) na siyang nagre-restructure kan post- Junior High School education sa duwang track, University Preparatory (DepEd) asin Technical- Vocational (TESDA), para man ma-align an edukasyon sa employment asin Learning outcomes asin an Emergency Classroom Building Act (HB5103) na nagtatao nin paramientras na kapangyarihan sa Presidente para parikason an Konstruksyon, Rehabilitation asin repairs kan mga klasroms na pinagkukunsidirar na national emergency an kakulangan sa mga educational infrastructure.
Sigon pa kay Acidre, Chairperson kan House Committee on Higher and Technical Education an pag-apruba kan komite ay lakdang pasiring sa implementasyon kan mga reporma bako lamang pag-diagnose sa problema.
An panukala an ipinagbubusol sa ngunyan sa plenaryo bilang parte kan mas mahiwas na program kan kamara sa pagpapakusog kan basic education sa Nasyon.
