PIG-IISIPAN ni Mamamayang Liberal party-list Representative Leila de Lima nag-iisip na magsangat nin kaso kontra sa alegasyon kan 18 self-proclaimed Marines na nakaresibe siya nin milyones na kickbacks gikan sa mga flood control projects na hale kuno sa dating Congressman Elizaldy Co.
Sa sarong entrevista, pinahimutikan kan mambabatas na naresibe niya an kwarta asin inapod ining kompletong kaputikan.
Dugang pa ni De Lima na igwang mga nag-aabisuhan saiya na magsangat nin kaso kontra sa mga nag-aakusar saiya.
Dawa ngani, posibleng sayang sana an oras, pinag-iisipan niyang ipursigi an pagsangat nin kaso arog kan ginibo ni dating Senador Antonio Trillanes IV tanganing matawan nin leksyon an mga ini huli ta posibleng dai ninda mapundo an saindang bandalismo.
Marurumduman na dati nang nagbutwa an isyu dapit sa inuulang na kwarta na itinao sa haralangkaw na opisyales kan gobyerno sa ginibong press conference kan 18 dating security aides kan Co sa pamamayo ni Atty. Baligod.
Kabali sa mga suboot nakaresibe iyo sinda Presidente Ferdinand Marcos Jr., dating House Speaker Martin Romualdez, mga kongresista asin iba pa. Alagad, si Atty. Kan huri, piglinaw ni Baligod na isinabay niya sana an pangaran ni Rep. de Lima sa listahan kan mga kongresista na soboot nakaresibe nin mga maleta nin cuarta huli ta dati nang nasambit na kaiba kan mambabatas an mambabatas sa mga miting manungod sa International Criminal Court (ICC).
Piglinaw man ni Baligod na dawa dae suboot nakaresibe nin maleta si de Lima, nahiling pa ining may bitbit na paper bag na may laog nin cuarta kan magluwas sa townhouse. An paper bag pigkakarkulong may laog na 5M hasta 10M pesos, sarong akusasyon na mahigot na pinahimutikan ni de Lima na gibo-gibo sana.
