Nangapudan Si Pope Leo XIV para iuntok an nagrararom na “spiral violence” sa Middle East, kasunod kan mga pag-atake kan Estados Unidos asin Israel sa Iran, na sinundan nin mga pagbalos na airstrikes.
Sa saiyang mensahe sa mga mananampalataya St. Peter’s Squar, nagpatanid an Santo Papa sa posibelidad nin dakulang trahedya kun dae tulos mauntok an iriwal.
Sinaysya pa kan Santo Papa na sa atubangan kan huma nin sarong dakulang trahedya, nangangapudan nin sa gabos na nasyon na imbwelto na mag-ako nin moral na responsibilidad tanganing ma-untok an nangyayaring kadahasan antes pa man ini magkawsa nin mas magabat na danyos.
An mga pahayag kan Papa nag-abot sa pag-abot kan padagos na pag-riribayan nin mga pag-atake sa pag-ultanan kan Iran asin Estados Unidos asin Israel, na nagtatao nin takot sa posibleng mas dakulang destabilisasyon kan Middle East asin kan pankinaban na komunidad.
