Sa interevista kan Bombo Radyo naga ki PCpt. Liza Jane Alteza, an Spokesperson kan CSPPO, kadaklan sa mga nairereport na mga akisidente sa tinampo iyo an bump from behind na boot sabihon, haraning maray an distansya kan sarong driver sa sinusundan kaining behikulo kun kaya kun magpundo man an nasa inutan na bahikulo, tulos ining nababanggan kan nakasunod na behikulo.
Sa siring kaining sitwasyon, dae pweding pagbasulon an nasa inutan na sasakyan huli sa biglaan kaining pagpreno asin kun nagkaigwa kuta nin proper distancing, naiibitaran an aksidente sa tinampo. Panduwa, biglaan na pag overtake asin o biglaan an pagliko saro pa sa mga rason kan aksidente sa tinampo.
Dugang pa kan opisyal na dapat clear an tinampo kun ma-overtake o mayu nin kasabatan na iba pang behikulo. Pangapodan na sana kan opisyal na kun igwa man mga slow moving vehicle na manutaran, ibitaran na magdukot sa sainda huli ta posibleng an mga driver kaini naglilikay sana man aksidente.
Sigon pa ss opisyal na kun kita slow moving vehicle, sa gilid sana kan tinampo magpadalagan kan behikulo tanganing makalikay sa anuman na aksidente.
