Nag-anunsyo an Bureau of Customs (BOC) na igwa pa nin supply nin lana asin iba pang produktong petrolyo an nasyon na matagal sa laog nin duwang bulan.
Sinabi ni Customs Commissioner Ariel Nepomuceno na an suplay na ini hale sa Department of Energy (DOE).
Ini konektado pa sa nagpapadagos na armadong iriwal sa Tahaw na Sirangan na iyo an mayor na supplier kan mga produktong petrolyo sa bilog na kinaban.
Sinabi ni Nepomuceno na nakatalaan sindang mag-inspeksyon sa mga bodega kan oil company tanganing maseguro na dae magkakaigwa nin artipisyal na kakulangan nin lana sa nasyon.
Mientrastanto, dati nang nag-anunsyo an DOE na papakusugon man ninda an saindang monitoring laban sa posibleng fuel hoarding asin dawa dae makatanosan na paglangkaw kan presyo kan krudo o profiteering.
Apwera digdi, sinabi man ni Nepomuceno na makakaapektar man an giyera sa Middle East sa pagkolekta nin buwis kan nasyon gikan sa mga produktong petrolyo kun saen an Pilipinas nagkukua nin dai mababa sa P330 hasta P410 bilyones kada taon gikan sa oil taxes.
Padagos an pagpreparar kan DOE asin kan iba pang partner agencies kan saindang mga contingency plan para maibitaran an posibleng paggrabe kan epekto sa supply kan krudong lana asin paghiro kan presyo kan siring na mga produkto.
