Department of Energy (DOE) nagpatanid man asin nagpatanid sa mga gasolinahan na ma-implementar nin ‘advance price hikes’ sa saindang kanya-kanyang produktong krudo asin gasolina.
Segun sa DOE, posibleng mamulta an mga oil companies asin retailers na ma-implementar nin price hike na mayong paisi hale sa saindang mga oficina.
Kasunod kaini, nangapudan man an DOE sa mga law enforcement agencies arog kan Philippine National Police (PNP) na pakusugon asin ipautob an saindang price monitoring tanganing maibitaran an pagganansya asin pag-aprobetsar kan nagkapirang gasolinahan.
Kan Sabado, an ahensya, sa pakikipagtabangan kan mga pulis, nagpoon nang magkondusir nin inspeksyon sa mga gasolinahan sa bilog na nasyon ngani na maseguro na mayo nin siisay man na nagbabalga kan polisiya na ini.
Mientrastanto, pigsierto kan DOE na magdadanay sindang vigilante asin magkokondusir nin price monitoring para maprotehiran an mga konsumidor asin maseguro an patas na presyo sa merkado para sa mga Pilipino.
