Kantidad kan peso kontra sa dolyar kan Estados Unidos, lalong nagluya sa P59.50

Nakarekord an Peso nin pinakahababa sa gabos na panahon kontra sa dolyar kan Estados Unidos.

Segun sa Bankers Association of the Philippines (BAP), nagsara an exchange rate sa kantidad na P59.50 kada dolyar.

Nalampasan kaini an record low kan peso kan Enero 15, na uminabot sa P59.46 kada dolyar.

Antes an pag-atake kan US asin Israel sa Iran,diit- diit nang nakabawi na an Peso, na nag-abot sa P57.51 kan Pebrero 25.

Ini an magpadipisil sa pagbakal nin petrolyo huli ta mas magastos ngonian na dolyar na an presyo kan petrolyo.

Magigirumduman na sinabi ni Presidente Ferdinand Marcos Jr na habo niyang mag-abot sa P60 kada dolyar an Peso.