Personal na ininspeksyon ni Ferdinand R. Marcos Jr. ang mga bagong pasilidad sa Ramon, Isabela na layong pahusayin ang post-harvest handling ng mga magsasaka. Kabilang dito ang Ambatali Warehouse at ang Ramon Onion Cold Storage Facility, na inaasahang magbabawas ng pagkalugi at magpapataas ng kita sa sektor ng agrikultura.
Sa pamamagitan ng mga modernong drying at storage system, hindi na kailangang ibabad sa kalsada ang palay—isang nakasanayang paraan na kadalasang nagdudulot ng pagkasira ng ani. Ang Ambatali Warehouse ay may kapasidad na 14,000 kaban at drying capacity na 3,625 kaban kada batch.
Samantala, ang onion cold storage facility na may kapasidad na 20,000 bag ay nagpapahaba ng shelf life ng sibuyas mula 1–2 buwan hanggang 5–7 buwan. Pinipigilan din nito ang pagkasira ng hanggang 7,000 bag ng ani.
Dahil sa mga pasilidad na ito, inaasahang tataas ang farmgate price ng palay mula PhP16 hanggang PhP20 kada kilo. Magdudulot ito ng mas matatag na suplay ng pagkain at mas mataas na kita para sa mga magsasaka sa rehiyon.
