Nag-anunsyo an Presidente kan Estados Unidos na si Donald Trump kan Miyerkules, Abril 1, 2026, sa saiyang post sa Truth Social na an Iran soboot naghagad nin untok-putok hale sa Estados Unidos, alagad an Washington maiinsistir na sinda masunod sana kun an Strait of Hormuz mabuksan.
Alagad, pignegaran kan Iran an pahayag ni Trump. Susog sa sarong tagapagtaram kan Iranian Ministry of Foreign Affairs, an alegasyon nin kahagadan nin pag-ontok sa putok bakong totoo asin daing basehan.
An bagong Lider Supremo kan Iran iyo si Mojtaba Khamenei pagkatapos na magadan an saiyang ama sa sarong air strike kan nakaaging bulan, mantang an Presidente kan Iran na si Masoud Pezeshkian yaon na sa opisina poon pa kan Hulyo 2024.
Idinagdag ni Trump na an Estados Unidos magkokonsidera nin sarong untok-putok kun an Strait of Hormuz “bukas, libre, asin malinaw”, alagad sa ngunian an operasyon laban sa Iran nagpapadagos.
An Strait of Hormuz sarong mahiwas na agihan sa pag’oltan kan Persian Gulf asin kan Arab Beach na kun saen minaagi an dakulang porsyento kan mga kargamento nin lana asin gas sa bilog na kinaban.
An pagbukas o pagsara kaini igwa nin mahiwas na epekto sa pankinaban na ekonomiya asin seguridad, na maninigong girumdomon, huli ta enot ining nakaapektar sa Pilipinas sa paagi nin sunod-sunod na big-time oil price hikes sa nasyon kasabay kan deklarasyon ni Pang. Ferdinand Marcos Jr. kan sarong State of National Energy Emergency.
