Ipigheras kan sarong opisyal kan kapulisan na padagos an saindang kampanya kontra ilegal na droga sa syudad nin Naga.
Sa intrevista kan Bombo Radyo Naga ki Pcpt Daisy Angeles, Spokesperson kan Naga City Police Office, sinabi kaini na bako nin dakol anm an mga nairerehistong kaso kan nakalihis na taon, alagad nagtitinir na hamon an presensya kan ilegal na droga sa siyudad sa ngunyan. Pigeslpikar kaini na an syudad nin Naga itinuturing na lugar nin convergence huli sa kadakol na establisyemento arog kan mga mall asin iba pang sentrong pangnegosyo, na nagiging rason tanganing magin sentro man ini nin manlean-laen na aktibidad.
Dugang pa ni Angeles, permi na nagkukundusir nin monitoring asin koordinasyon an saindang yunit tanganing mapugolan an paglaganap kan ilegal na droga. Pero, inamin kan opisyal na dai pa man giraray gabos na sangkot sa ilegal na aktibidad an dai tulos nadadakop.
Saro sa mga pangunahing hamon na kinakahampang kan kapulisan iyo an pagtukoy asin pagsubaybay sa mga drug suspect. Ipinunto niya an importante anpapel kan komunidad sa pagtao nin impormasyon.
