13 komite kan Kamara na pinangenotan ni Rep. Faustino Dy III nakatalagang magtiripon saaga, Abril 8, 2026, tanganing pag-olayan an tulos na pagresponde sa naglalangkaw na presyo kan krudo na dara kan iriwal sa Middle East.
An pinagsararong pagdangog gigibohon sa People’s Center Building asin pamamayohan kan Committee on Ways and Means Chairman asin Marikina Rep. Miro Quimbo.
Katuyohan kan pagtiripon na mapagsararo an mga datos asin makagibo nin mga konkretong lakdang para sa tulos na tabang asin panghaloyan na solusyon sa krisis sa lana. Pag-uulayan man an suplay nin enerhiya, epekto sa ekonomiya, asin posibleng mga polisiya.
Piglalaoman na maatender an manlaen-laen na cabinet secretaries asin opisyales kan gobyerno tanganing magtao nin mga report asin rekomendasyon.
Sigon ki Quimbo, kinakaipuhan an koordinasyon kan lehislatura asin kan ehekutibo tanganing marikas na maiimplementar an mga lakdang na makakatabang sa mga sektor na pinaka-apektado.
Piglalaoman na maatender sa hearing si BIR Commissioner Martin Mendoza, BOC Commissioner Ariel Nepomuceno, asin National Treasurer Sharon Almanza.
Sigon ki Quimbo, obheto kan joint hearings na makatipon nin mga importanteng datos asin mai-align an pagresponde kan Kamara sa mga padagos na lakdang kan Ehekutibo, ngani na makabilog nin mga proposal na tulos maiimplementar ngani na maprotehiran an mga vulnerable sectors.
Idinagdag pa kaini na piglalaoman man na marepaso kan multi-committee body an targeted aid, fiscal support, asin structural reforms tanganing maibsan an epekto kan global oil shocks sa nasyon.
