Nagpatanid an Ban Toxics sa publiko, partikularmente sa mga magurang, manungod sa soboot presensya nin mga peligrosong kemikal sa nagkapirang mga swimming floater asin mga produktong inflatable na makukua sa merkado ngnyan na tig-init.
Sa entrevista kan Bombo Radyo Naga ki Thony Dizon, Ban Toxic Campaigner, nagluluwas sa saindang pag-analisar an mga toxic substance arog kan lead, mercury, asin cadmium—mga kemikal na ipinagbabawal sa irarom kan eksistidong regulasyon sa nasyon.
Ipinaliwanag ni Dizon na an siring na mga kemikal pwedeng mag-leach o magluwas sa mga produkto, lalo na kun napapaatubang sa init, na posibleng magdulot nin peligro sa salud kan mga nagagamit, partikularmente an mga kaakian.
Dugang pa, an presensya kan polyvinyl chloride (PVC) asin iba pang mga kemikal na additives arog kan phthalates na pwedeng makaapektar sa balanse kan hormone kan tawo namidbid man.
Sa rason na ini, hinagad kan grupo sa publiko na magin mapili sa pagbakal kan siring na mga produkto asin siguraduhon na igwa sinda nin magkakanigong label asin impormasyon susog sa eksistidong mga ley sa kaligtasan kan produkto.
